BDU Qazax filialında Vətən müharibəsi iştirakçısı olan tələbələrlə görüş keçirilib

Bakı Dövlət Universitetinin Qazax filialında Vətən müharibəsi iştirakçısı olub filialda təhsil alan tələbələrlə görüş keçirilib.

Filialın Tələbə Gənclər Təşkilatının təşkilatçılığı ilə keçirilən tədbir 44 günlük Vətən müharibəsində canından keçmiş şəhidlərin xatirəsinin bir dəqiqəlik sükutla yad edilməsi ilə başlayıb.

Filialın direktoru Arif Rüstəmov giriş sözü ilə çıxış edərək müharibə iştirakçısı olan tələbələri salamlayıb, 8 Noyabr Zəfər Günü münasibnətilə təbriklərini çatdıraraq ən xoş arzularını bildirib. Müzəffər Ali Baş Komandan İlham Əliyevin rəhbərliyi altında Azərbaycan ordusunun qazandığı tarixi Qələbədən danışıb

Sonra müharibə iştirakçısı olan tələbələr – Qılınc Cəfərov, Heydər Kəbirov, Nurlan Abdullayev və Orxan İsmayılzadə çıxış edərək öz müharibə təəssüratlarını bölüşüblər.

Filialın Mətbuat Xidməti.