- Nəşr edilib 31.03.2026 18:00
BDU-nun Qazax filialında Soyqırım Gününə həsr olunmuş guşə təşkil olunub
Bakı Dövlət Universitetinin Qazax filialında 31 Mart - Azərbaycanlıların Sоyqırımı Günü ilə əlaqədar bu qanlı faciəyə həsr olunmuş kitablardan ibarət guşə təşkil olunub. Guşədə azərbaycanlılara qarşı törədilmiş soyqırım haqqında kitablar, dəhşətli faciədən bəhs edən rəsmi sənədlər, erməni-daşnak silahlı dəstələrinin vəhşiliklərini özündə əks etdirən fotoşəkillər, dövri mətbuatda çap olunan məqalələr nümayiş olunub.
Filialın direktoru Arif Rüstəmov sərgi ilə tanış olub, Mart soyqırımının araşdırılmasına və bu həqiqətlərin dünyaya yayılmasına Ümummilli lider Heydər Əliyevin təşəbbüsü ilə başlanıldığını bildirib. Qeyd edib ki, 1998-ci il martın 26-da Ulu Öndər Heydər Əliyevin imzaladığı “Azərbaycanlıların soyqırımı haqqında” Fərmanda həmin dəhşətli hadisələrə siyasi qiymət verilib və 31 mart Azərbaycanlıların Soyqırımı Günü elan edilib.
Filialın professor-müəllim heyəti, tələbələr guşə ilə ətraflı tanış olublar.
Filialın Mətbuat Xidməti.