Tələbələr arasında “Hansı tədbirlərin keçirilməsini zəruri hesab edirsiniz?” mövzusunda sorğu keçirilib

Bakı Dövlət Universitetinin Qazax filialında Qazax-Tovuz Regional Gənclər və İdman İdarəsinin təşkilatçılığı ilə “Hansı tədbirlərin keçirilməsini zəruri hesab edirsiniz?” mövzusunda sorğu keçirilib. Gənclərin ictimai fəaliyyətə cəlb olunması, onların ideya və təşəbbüslərinin öyrənilməsi, eləcə də regionda gənclər üçün həyata keçiriləcək tədbirlərin planlaşdırılmasında onların birbaşa iştirakını təmin etmək məqsədilə təşkil olunan sorğuda filialın tələbələri iştirak edib.

Qazax-Tovuz Regional Gənclər və İdman İdarəsinin Gənclərlə iş sektorunun müdiri Aliq Bağırov, filialın Tələbələrlə və ictimaiyyətlə əlaqələr şöbəsinin müdiri Qasım Əliyev tələbələrlə keçirilən görüşdə sorğu aparıblar. Görüş zamanı onun məqsədi, əhəmiyyəti və gözlənilən nəticələri barədə tələbələrə ətraflı məlumat verilib, gənclərin təklifləri dinlənilib və onlarla geniş fikir mubadiləsi aparılıb.

Filialın Mətbuat Xidməti