STEAM klubunda tədbir keçirilib

Bakı Dövlət Universitetinin Qazax filialında fəaliyyət göstərən STEAM(Science, Technology, Engineering, Art, Mathematics) klubunda tədbir keçirilib.

Tədbirdə STEAM klubu üzvlərinin layihə sərgisi təqdim olunub. Klubun üzvü olan tələbələr hazırladıqları layihələri nümayiş etdiriblər.

Tələbələrin elm, texnologiya, mühəndislik, və riyaziyyat sahələrində bilik və bacarıqlarını inkişaf etdirmək, həmçinin onlarda bu sahələrə maraq yaratmaq üçün fəaliyyət göstərən STEAM klubunun əsas məqsədi yaradıcı düşüncəni inkişaf etdirmək, əməkdaşlıq etmək və tələbələrə müasir dövrün tələblərinə uyğun biliklər qazandırmaqdır.

Tədbirdə iştirak edən İnformatika və riyaziyyat kafedrasının baş müəllimlərindən Aygün Əliyeva və Sevinc Lahıcova, müəllimlərdən Tamara Dərziyeva və Könül Ənsərova təqdim olunan layihələri qiymətləndiriblər.