BDU-nun Qazax filialında “Sorğu həftəsi” keçirilir

Bakı Dövlət Universitetinin Qazax filialında "Sorğu həftəsi" həyata keçirilir. Universitetin tələbə və müəllim kontingenti onlar üçün hazırlanmış müvafiq sorğu linklərinə daxil olaraq sualları cavablandırırlar. Hər bir fənnin qiymətləndirilməsi və tələbələrin həmin fənni tədris edən müəllimə olan münasibətlərinin müəyyənləşdirilməsi üçün universitetin 78 ixtisas qrupu üzrə 465 sorğu linki hazırlanaraq tələbələrin ixtiyarına verilmişdir.

Eyni zamanda, BDU-nun Qazax filialının professor-müəllim heyəti arasında da filialdakı təlim-tədris prosesin təşkili və idarəetmə prosesi haqqında məmnunluğu qiymətləndirmək məqsədilə sorğu keçirilir. Anonim şəkildə həyata keçirilən sorğuların əsas məqsədi Qazax filialında təlim və tədrisin inkişafı, tədrisin keyfiyyətini qiymətləndirmək və keyfiyyət göstəricilərini daha da yüksəltməkdən ibarətdir.

"Sorğu həftəsi" 04-08 dekabr 2023-cü il tarixlərini əhatə edəcəkdir.

Filialın Mətbuat Xidməti