- Nəşr edilib 22.04.2025 11:52
BDU Qazax filialında Direktoryanı Şuranın iclası keçirilib
22 aprel 2025-ci il tarixində Bakı Dövlət Universitetinin Qazax filialında Direktoryanı Şuranın iclası keçirilib. Filialın direktoru Arif Rüstəmov çıxış edərək iclasın gündəliyi barədə iştirakçılara məlumat verib.
İclasda buraxılış kursu tələbələrinin təcrübələrinin gedişinin vəziyyətinə dair, kollokviumların təşkili və keçirilməsi vəziyəti barədə, tələbələr arasında “Müasir Azərbaycanın demokratik hüquqi əsasları - Konstitusiyamız” adlı intellektual yarışının yekunları haqqında məsələlər müzakirə olunub.
Qeyd olunan məsələ barəsində təcrübə rəhbəri Mətanət Məmmədova, filialın Tədris və elmi işlər üzrə direktor müavini Məmməd Yusifov, filialın Tələbələrlə iş və ictimaiyyətlə əlaqələr şöbəsinin müdiri Qasım Əliyev çıxış ediblər.
İclasın sonunda filialın direktoru Arif Rüstəmov müzakirə olunan məsələrlə əlaqədar kafedra müdirlərinə və aidiyyatı struktur rəhbərlərinə müvafiq tapşırıq və tövsiyələrini verib.
İclasda eyni zamanda, bir sıra cari məsələlər də müzakirə olunub.
Filialın Mətbuat Xidməti
