- Nəşr edilib 08.05.2024 09:21
BDU-nun Qazax filialında Ulu Öndər Heydər Əliyevin anadan olmasının 101 illik yubileyi münasibətilə yarış keçirilib
Bakı Dövlət Universitetinin Qazax filialında Ulu Öndər Heydər Əliyevin anadan olmasının 101 illik yubileyi münasibətilə ali təhsil müəssisəsinin tələbələri arasında “Gir qaldırma” üzrə birincilik keçirilib.
Tədbiri BDU Qazax filialının direktoru Arif Rüstəmov açıq elan edərək yarışda iştirak edən tələbələrə uğurlar arzulayıb.
Sonra birinciliyə start verilib. Tələbələr 5 çəki dərəcəsində mübarizə aparıblar.Gərgin keçən idman mübarizəsindən sonra qaliblər müəyyənləşib. Qızlar arasında 55 kq çəki dərəcəsində Nərmin İbrahimova, oğlanlar arasında 60 kq çəki dərəcəsində Araz Həsənov, 70 kq çəki dərəcəsində Tacir Hüseynzadə, 80 kq çəki dərəcəsində Orxan İsmayilzadə, 90 kq çəki dərəcəsində Həsən Abbaslı qalib olublar.
Yarışda mükafatçı alan tələbələr filial rəhbərliyi tərəfindən diplomla təltif edilib.
Filialın Mətbuat Xidməti
