- Nəşr edilib 03.10.2024 08:02
BDU-nun Qazax filialında Gənclərin Yerli Məşvərət Şurası üzvlərinin görüşü olub
Qazax Rayon İcra Hakimiyyəti yanında Gənclərin Yerli Məşvərət Şurasının üzvləri Bakı Dövlət Universitetinin Qazax filialında təhsil alan birinci kurs tələbələri ilə görüşüb. Görüşdə filialın Tələbələrlə iş və ictimaiyyətlə əlaqələr şöbəsinin müdiri Qasım Əliyev, filialın Mətbuat xidmətinin rəhbəri Elçin İsmayıl iştirak edib.
Qazax Rayon İcra Hakimiyyəti yanında Gənclərin Yerli Məşvərət Şurasının sədri Pəri İbrahimova şuranın fəaliyyəti barədə tələbələrə məlumat verib. O, Şuranın fəaliyyət istiqamətləri, bu günə qədər həyata keçirilmiş layihələr, qarşıya qoyulan layihələrin icrasında Şura gənclərinin rolu barədə tədbir iştirakçılarını məlumatlandırıb.
Sonra şuraya üzv olmaq istəyən gənclərin qeydiyyatı aparılıb.
Görüşdə həmçinin tələbələrlə birlikdə onların şəbəkələşməsinə dəstək verilməsi və digər mövzularda fikir mübadiləsi aparılıb. Tədbirdə gənclərin maarifləndirilməsi, asudə vaxtlarının səmərəli təşkili barədə fikirlər səsləndirilib.
Filialın Mətbuat Xidməti.
